Ouzhpenn ur sport eo ar Sambo evit ar familh Delorme !
Hag anavezout a rit ar Sambo ? Ur sport gouren eo, eus bro Rusia. Ijinet e oa bet er bloavezhioù 1930 da vare an URSS o veskañ meur a sport all : ar judo, ar boxe, ar gouren hag ar samoz. N'eo ket gwall vrudet e Kornôg Europa, met kleuboù a zo e Breizh memestra. Disadorn e oa aozet ur genstrivadeg etre-rannvroel e Pleiben, gant kluboù Breizh ha Normandie. Eno he doa Metig Jakez-Vargas graet anaoudegezh gant bugale ar familh Delorme, a zo sot holl gant ar sport-se hag a reont abaoe o bugaleaj...
Budog, Konan hag Elowen Delorme eus klub Celtic Contact Pleiben, hini brasañ Breizh, ho peus klevet aze. Seiz kampion Frañs a zo er c'hlub.
